Пасол ЕС ва Украіне жорстка адрэагавала на расійскі начны абстрэл

• 20.08.2026, 11:40

Расія забіла як мінімум 12 чалавек у Кіеве.

Кіраўніца прадстаўніцтва Еўрапейскага саюза ва Украіне Катаріна Матэрнова апублікавала падрабязны допіс з інфармацыяй пра начны ўдар РФ па Кіеве і прыгарадах.

Пра гэта яна напісала ў сацыяльнай сетцы X.

Матэрнова заявіла, што Расія забіла як мінімум 12 чалавек у Кіеве, а яшчэ 34 атрымалі раненні.

Яна распавяла падпісчыкам, што ў Саламянскім раёне Кіева Расія разбурыла верхнія паверхі дзевяціпавярховага жылога дома. Таксама яна адзначыла, што РФ нанесла ўдар па дзіцячай бальніцы.

Матэрнова нагадала, што мінулай ноччу расійскі беспілотнік атакаваў штаб Нацыянальнай паліцыі ў Жытоміры, у выніку чаго тры чалавекі загінулі, а 53 атрымалі раненні.

«Давайце будзем шчырымі: гэта не вайна на полі бою. Салдаты не змагаюцца супраць салдат. Расія забівае мірных жыхароў і бомбіць жылыя дамы і дзіцячыя бальніцы. Мы павінны гаварыць пра гэта гучна. Мы павінны пра гэта пісаць, каб свет памятаў пра ваенныя злачынствы, учыненыя Расіяй ва Украіне», – дадала дыпламатка.