Футбаліст зборнай Беларусі абвешчаны ў вышук МУС

• 20.08.2026, 12:53

Мікалай Золатаў падтрымаў Украіну.

31‑гадовага абаронцу малдаўскага «Зімбру» Мікалая Золатава разыскваюць у Віцебскай вобласці па крымінальнай справе. У вышук яго абвясцілі 7 ліпеня, піша «Трыбуна».

Раней Мікалай трапіў у «чорны спіс» міністра спорту Сяргея Кавальчука з‑за крытыкі ўладаў і асуджэння вайны ва Украіне, фігурантам якога нягласна забаронена выступаць у Беларусі.

У 2025‑м Золатаў заявіў, што «шчыра раскайваецца» за ранейшыя словы.

У васьмі матчах чэмпіянату Малдовы сёлета Золатаў забіў 1 гол. У складзе зборнай Беларусі правёў 14 гульняў.

Таксама ў вышук МУС трапіў і экс‑галкіпер зборнай Генадзь Тумілавіч.