Урсула фон дэр Ляен: Расія прайграе вайну

• 20.08.2026, 13:01

Прэзідэнт Еўракамісіі назвала самы неадкладны прыярытэт.

Прэзідэнт Еўракамісіі Урсула фон дэр Ляен адрэагавала на чарговы масіраваны абстрэл Украіны Расіяй.

Пра гэта яна напісала ў X.

На думку фон дэр Ляен, Расія прайграе вайну, якую сама пачала.

«І яна помсціць, наносіць удары па мірным насельніцтве і грамадзянскай інфраструктуры», – адзначыла яна.

«Мы супрацоўнічаем з дзяржавамі-членамі і нашымі партнёрамі, каб падтрымаць супрацьракетны патэнцыял Украіны. Каб Украіна мела сродкі для прадухілення чалавечых ахвяр», – заявіла старшыня Еўракамісіі.

Паводле яе слоў, гэта з'яўляецца самым неадкладным прыярытэтам.