У Беларусь вяртаецца спякота

• 20.08.2026, 13:39

Тэмпература падымецца вышэй за 30 градусаў.

Перадапошнія выхадныя лета ў Беларусі пройдуць няспакойна: краіну чакаюць дажджы, навальніцы, а ў асобных раёнах слупок тэрмометра падымецца вышэй за 30 градусаў. Такая прагноз дае pogoda.by.

У пятніцу, 21 жніўня, надвор'е вызначыць атмасферны фронт, які перамяшчаецца з паўднёва-захаду Еўропы. Уначы дажджы пройдуць пераважна на паўднёвым захадзе краіны, а днём — ужо на большай частцы тэрыторыі Беларусі. Пры гэтым на паўднёвым усходзе рэспублікі ўдзень чакаюцца моцныя дажджы з навальніцамі. Начная тэмпература складзе ад +8 да +17 градусаў, дзённая — ад +18 да +24. На паўднёвым усходзе будзе прыкметна цяплей: там паветра прагрэецца да +25...+30 градусаў.

У суботу, 22 жніўня, у справу ўступяць атмасферныя франты цыклона, цэнтр якога будзе перамяшчацца з Польшчы ў бок Латвіі. Дажджы — месцамі моцныя, з навальніцамі — зноў накрыюць большую частку Беларусі. Уначы тэмпература складзе ад +10 да +18 градусаў. Днём на поўначы краіны паветра прагрэецца прыкладна да +18, а вось на паўднёвым усходзе слупок тэрмометра можа падняцца да +34 градусаў.

У нядзелю, 23 жніўня, Беларусь апынецца ў тылавой частцы цыклона, цэнтр якога зрушыцца на паўночны захад еўрапейскай тэрыторыі Расіі. Месцамі магчымыя кароткачасовыя дажджы і навальніцы. Уначы чакаецца ад +9 да +15 градусаў, днём — ад +18 да +25.