Кропка незвароту для Пуціна

• Віктар Шэндэровіч
• 20.08.2026, 14:38

«Хто гэта зрабіў, лорды?».

Шэсць гадоў таму Пуцін упершыню паспрабаваў забіць Навальнага. І, намаганнямі Хрысто Грозева і Ко — папаўся на гэтым.

Мяне здаецца, менавіта гэты эпізод стаў канчатковай кропкай незвароту для Пуціна.

Бо адно — калі ты палітычны дзеяч, хай якой арыентацыі, але ўсё ж палітычны, а зусім іншае — калі ты проста заказчык забойства, ганебны трус і падлюга, злоўлены на месцы злачынства. Тупы крымінальнік.

Пасля той гісторыі Пуціну ўжо ніяк было не выйсці з улады, ні ў якім варыянце. І яму стала ўжо зусім напляваць на астаткі рэпутацыі.

Навальны стаў цяжкім пракляццем, і ідэя ўсё ж такі забіць яго стала пуцінскім наважаннем. Ім двум было не жыць на белым свеце.

Забойства ў Харпе — гэта ж ужо зусім не пра палітыку (чым Навальны ў Харпе мог нашкодзіць Пуціну?). Гэта быў ірацыянальны страх і ірацыянальная нянавісць — зусім шэкспіраўскай сілы.

І хочацца пажадаць забойцу выпрабаваць — не раскаянне, не, пра што вы… — але, перад смерцю, жах ад з’яўлення свайго «прывіда Банка».

«Хто гэта зрабіў, лорды?»

Віктар Шэндэровіч, «Тэлеграм»