Румынскі F-16 знішчыў марскі дрон каля газаздабыўнай платформы

• 20.08.2026, 16:00

Знішчальнік паразіў мэту з бартавай гарматы.

Румынскі знішчальнік F-16 паспяхова знішчыў марскі дрон. Інцыдэнт адбыўся за 80 міль на ўсход ад Канстанцы.

Пра гэта паведамляе «РБК-Украіна» са спасылкай на заяву прэс-службы Міністэрства абароны Румыніі ў X.

Як адзначылі ў міністэрстве, 20 жніўня два самалёты F-16 ВПС Румыніі былі тэрмінова паднятыя ў паветра. Прычына — у выключнай эканамічнай зоне Румыніі, паблізу платформы Neptun Alpha, быў выяўлены невялікі марскі дрон.

Адзін з самалётаў паразіў мэту з дапамогай бартавай гарматы.

Дрон, што дрэйфаваў у моры, убачыла камерцыйнае судна каля 6:28 па мясцовым часе.

Карабель берагавой аховы з групай па размініраванні ВМС Румыніі накіроўваецца да месца знаходжання беспілотніка. Аперацыя па абясшкоджванні дрона працягваецца.