Мінчукоў папярэдзілі пра павышаны ўзровень шуму ў найбліжэйшыя дні

• 20.08.2026, 18:13

«Мінскэнерга» выпусціла заяву.

На мінскай ЦЭЦ‑4 у найбліжэйшыя дні будуць праводзіць пускавыя аперацыі на асноўным абсталяванні, таму будзе шумна. Пра гэта гараджан папярэдзіла «Мінскэнерга».

Працы будуць весціся з 20 па 24 жніўня для падрыхтоўкі ЦЭЦ да асенне-зімовага перыяду.

«Дадзеныя мерапрыемствы могуць суправаджацца павышаным узроўнем шуму ў дзённы час», — паведамілі ў «Мінскэнерга».

Мінская ЦЭЦ‑4 знаходзіцца ў Фрунзенскім раёне горада ў прамзоне «Заходні».