ЗСУ паразілі расійскі бамбавік Су-34

• 20.08.2026, 22:37

Мінус $50 млн.

У ноч на 20 жніўня на тэрыторыі Расіі ў выніку атакі беспілотнікаў быў пашкоджаны бамбавік Су-34. Спадарожнікавы здымак апублікаваў OSINT-праект Exilenova+ у Telegram.

«Наступствы паражэння франтавога бамбавіка Су-34 сёння ўначы на аэрадроме ў Ахтубінску [Астраханскай вобласці РФ]. Разліў паліва з наступным пажарам. Сам бамбавік істотна пашкоджаны», – гаворыцца ў апісанні да спадарожнікавага здымка.

Шматфункцыянальны знішчальнік-бамбавік Су-34 з'яўляецца асноўным носьбітам КАБ з універсальнымі модулямі планавання і карэкцыі, а таксама ўніфікаваных міжвідавых планіруючых боепрыпасаў (УМПБ). Такімі боепрыпасамі РФ атакуе гарады, размешчаныя паблізу лініі фронту.