Муж Скабеевай прагаварыўся ў прамым эфіры пра сітуацыю ў Крыме

• 21.08.2026, 4:36

Прапагандыст прызнаў эфектыўнасць украінскіх дронаў.

Расійскі прапагандыст Яўген Папоў (муж Вольгі Скабеевай) ў прамым эфіры ток-шоу «60 хвілін» на «Расіі-1» фактычна абверг спробу крамлёўскага спікера супакоіць гледачоў і прызнаў, што ўкраінскія дроны працягваюць паражаць тэхніку на сухапутным калідоры да акупаванага Крыму. Спрэчка адбылася ў студыі, дзе адзін з удзельнікаў заявіў, што Расія нібыта пачала паспяхова глушыць украінскія беспілотнікі ў Крыме і ўздоўж трасы «Наварасія», паведамляе Dialog.UA.

Ён таксама сцвярджаў, што з-за расійскага РЭБ украінскі бок нібыта мяняе абсталяванне і пераходзіць на рашэнні са Starlink. Але Папоў адразу ўмяшаўся і заявіў, што асабіста бачыў вынікі удараў украінскіх дронаў на гэтай трасе.

«Мы недзе іх глушым. Цяпер мы пачалі іх глушыць у Крыме, вось уздоўж трасы “Наварасія”, таму і адбыліся рэзкія змены», — сказаў удзельнік эфіру.

«Ой, толькі ўчора я ехаў па трасе “Наварасія”, і толькі ўчора я быў у Крыме, тры паражэнні “Харнетам”, толькі мая група бачыла, тры», — сказаў Папоў.

Ягоная жонка Вольга Скабеева ў гэты момант стаяла побач і маўкліва назірала за спрэчкай.

Амаль адначасова ўкраінскія вайскоўцы апублікавалі новыя кадры удараў па расійскім транспарце. На відэа дзясяткамі выбухаюць грузавікі, вайсковыя аўтамабілі і фуры, якія спрабуюць рухацца па маршруце ў акупаваны Крым. Гэта наглядна пацвярджае тое, пра што прагаварыўся Папоў: сухапутны калідор больш не выглядае бяспечнай лагістычнай артэрыяй.