Пуцін падае ў фінансавую прапасць

• 21.08.2026, 6:00

У Крамля фактычна няма добрых варыянтаў.

Расійская эканоміка сутыкнулася з нарастаючымі праблемамі: рост запавольваецца, інфляцыя высокая, а дэфіцыт бюджэту павялічваецца на фоне велізарных ваенных выдаткаў. На гэтым фоне Пуцін усё мацней рызыкуе фінансавай стабільнасцю краіны, піша DTNext (пераклад — сайтам Charter97.org).

Кансэнсус сярод назіральнікаў за расійскай эканомікай зводзіцца да таго, што Расію чакае зацяжны перыяд стагфляцыі. Рост ВУП у 2026 годзе, верагодна, не перавысіць 1%, тады як інфляцыя трымаецца прыкладна на ўзроўні 6% і вышэй.

Асаблівую трывогу выклікае бюджэт. У першыя гады вайны дэфіцыт удавалася ўтрымліваць каля 2% ВУП, аднак у 2025 годзе паказчык вырас да 2,6%, а за першыя сем месяцаў 2026-га дасягнуў ужо 2,8% — амаль у два разы вышэй за першапачатковы план.

«Такі дысбаланс у бюджэтнай сферы непрымальны», — пішуць аўтары. Магчымасці Крамля для далейшага павелічэння падаткаў практычна вычарпаныя. Дзяржава ўсё больш актыўна абапіраецца на ўнутраныя запазычанні і дзяржаўныя банкі, што можа ўзмацняць інфляцыю.

Пры гэтым вайна стварае дадатковыя эканамічныя праблемы. украінскія ўдары па нафтагазавай інфраструктуры і іншых аб’ектах прыводзяць да перабояў з палівам і ўзмацняюць ціск на бізнэс.

У Пуціна фактычна няма добрых варыянтаў. Працяг вайны патрабуе новых выдаткаў, а мабілізацыя здольная ўзмацніць дэфіцыт працоўнай сілы і справакаваць новы адток насельніцтва.

«Ён апынуўся ў становішчы цугцванга», — адзначаюць аўтары. Сітуацыю расійскага прэзідэнта можна параўнаць з шахматнай пазіцыяй, у якой любы ход здольны пагоршыць становішча.