У Празе прайшла антырасійская акцыя, дзе «выстаўілі рахунак» Маскве

• 21.08.2026, 9:02

Удзельнікі ўшанавалі памяць ахвяр савецкай акупацыі і выказалі падтрымку Украіне.

У Празе ля будынка пасольства Расійскай Федэрацыі адбылася акцыя, прысвечаная гадавіне савецкага ўварвання ў Чэхаславакію ў 1968 годзе.

Удзельнікі ўшанавалі памяць ахвяр акупацыі і выказалі падтрымку Украіне.

Пра гэта гаворыцца ў матэрыяле «Радыё Свабода».

Украінская актывістка Ганна Абрамчук у межах акцыі заклікала працягваць дапамагаць Украіне і адзначыла нязменную падтрымку з боку чэшскага грамадства.

Адным з сімвалічных элементаў акцыі стаў «рахунак расійскаму імперыялізму». Удзельнікі падпісвалі яго і пазначалі, за што менавіта «выстаўляюць рахунак» Расіі.

У ноч з 20 на 21 жніўня 1968 года войскі СССР і іншых краін Варшаўскага дагавору ўварваліся ў Чэхаславакію, каб падавіць рэформы «Пражскай вясны».

Падчас акупацыі загінулі 137 чэхаў і славакоў, каля 100 тысяч чалавек былі вымушаныя эміграваць.