Расіяне падпалілі аколіцы Ялты

• 21.08.2026, 9:35

Ужо трэція суткі палае маштабны пажар.

У гарах Ялты ўжо трэція суткі працягваецца буйны лясны пажар.

Спадарожнікавыя здымкі, апублікаваныя маніторынгавай групай «Крымскі вецер», паказваюць маштаб узгарання. Найбольш верагоднай прычынай пажару стала няўдалая праца расійскіх разлікаў СПА, піша Dialog.UA.

Пажар пачаўся 19 жніўня ў цяжкадаступнай горнай мясцовасці.

Паводле даных расійскага МНС, да раніцы 20 жніўня плошча агню перавысіла 10 гектараў. Да ліквідацыі пажару прыцягнулі 469 чалавек і 103 адзінкі тэхнікі.

Расійскія экстрэнныя службы працуюць у складаных умовах: частка супрацоўнікаў дабіраецца да ачагоў узгарання пешшу з ранцавымі вогнетушыцелямі, а ваду дастаўляюць з дапамогай матацыклаў.

Маніторынгавыя рэсурсы звязваюць узнікненне пажару з работай расійскай СПА падчас атакі беспілотнікаў.