Польшча пераходзіць з рынкаў, што развіваюцца, у катэгорыю развітых

• 21.08.2026, 17:55

Сёння Польшча — найхутчэй растучая буйная эканоміка ЕС.

Пастаўшчык глабальных фінансавых індэксаў S&P Dow Jones Indices прыняў рашэнне перакласіфікаваць Польшчу як развіты рынак, павысіўшы яе статус з рынку, што развіваецца.

Пра гэта паведаміў міністр фінансаў Польшчы Анджэй Даманьскі.

Перакласіфікацыя ўступіць у сілу з абнаўленнем індэкса ў верасні 2027 года.

— Яшчэ адно пацвярджэнне ўмацавання пазіцый Польшчы! S&P DJI толькі што змяніў класіфікацыю Польшчы з рынку, што развіваецца, на развіты рынак. Сёння Польшча — найхутчэй растучая буйная эканоміка ЕС, — напісаў міністр.

Ён дадаў, што ўжо на наступным тыдні Польшча возьме ўдзел у сустрэчы міністраў фінансаў і кіраўнікоў цэнтральных банкаў краін G20.