Банкі масава змяняюць умовы грашовых пераводаў

• 23.08.2026, 8:05

Яны закранаюць валюту і ЕРІП.

Шэраг беларускіх банкаў карэктуюць умовы па грашовых пераводах для сваіх кліентаў. Распавядаем, што змянілася і што яшчэ зменіцца ў бліжэйшы час, піша «Зеркало».

З 13 жніўня «Сбер Банк» запусціў грашовыя пераводы па нумары тэлефона з расійскага «Сбербанка» ў расійскіх рублях.

«БНБ-Банк» з 1 верасня пераглядае тарыфы на пераводы ў доларах, еўра, расійскіх рублях і кітайскіх юанях у межах краіны для кліентаў пакета «Безграничный».

«Белаграпрамбанк» з 1 верасня пачне спаганяць 5 рублёў за прыём і перападлік наяўных беларускіх рублёў пры пераводах без адкрыцця рахунку праз сістэму ЕРІП — камісія будзе прымяняцца да кожнага асобнага плацяжу.

«Технобанк» уносіць адразу некалькі змяненняў. З 17 верасня карэктуюцца ўмовы пераводаў у еўра: тарыф, устаноўлены ў замежнай валюце, можа спісвацца ў беларускіх рублях па курсе Нацбанка на дзень аплаты, а перавод фізасоб за межы банка ў еўра абыдзецца ў 30 еўра плюс 1% ад сумы.

Яшчэ раней, з 7 жніўня, банк увёў збор у памеры 15% за залічэнне фізічнымі асобамі наяўных расійскіх рублёў на разліковы рахунак праз касу. Выключэнне зроблена для выпадкаў, калі сродкі ўносяцца з мэтай у той жа дзень адкрыць уклад у расійскіх рублях.

З 1 верасня зменіцца і камісія за безнаяўнае залічэнне грошай на рахункі фізасоб у беларускіх рублях — яна складзе 0,9% ад сумы (не менш за адзін рубель і не больш за 40 рублёў). Пры гэтым камісія не будзе прымяняцца пры залічэнні сродкаў у межах крэдытнага прадукту «Милый дом».

Акрамя таго, з 10 жніўня «Технобанк» устанавіў камісію за пераводы ў доларах — 30 долараў плюс 1% ад сумы пераводу.