Расія нанесла ўдар па амерыканскім заводзе Mondelez у Сумскай вобласці

• 23.08.2026, 20:06

Ёсць параненыя.

23 жніўня расійская армія нанесла удары па фабрыцы карпарацыі Mondelez International у Тростянцы Сумскай вобласці. Два ўдары беспілотнікаў пашкодзілі памяшканне завода і паранілі некалькіх супрацоўнікаў, абышлося без ахвяр.

У выніку атакі ў Тростянцы траўмаваныя пяць чалавек, паведамілі ў Сумскай абласной пракуратуры. Гэта двое мужчын 1963 і 1976 гадоў нараджэння, а таксама тры жанчыны 1985, 1983 і 1973 гадоў нараджэння.

У людзей нязначныя раненні і парэзы. Папярэдне зафіксаваныя тры трапленні, пашкоджаныя адміністрацыйны і вытворчы будынкі.