Мядзведзеў апалчыўся на Арменію

• 24.08.2026, 20:28

Ерэван дыстанцуецца ад Масквы.

Ерэван надоўга сапсуе адносіны з РФ і іншымі членамі Еўразійскага эканамічнага саюза (ЕАЭС), заявіў намеснік старшыні Савета бяспекі Расіі Дзмітрый Мядзведзеў.

«Відавочна, што Арменія ніколі не ўступіць у Еўрасаюз, які пакутуе ад дурных хранічных хвароб, але надоўга сапсуе свае адносіны з Расіяй і іншымі краінамі ЕАЭС», — сказаў ён у размове з ТАСС.

Ерэван у найбліжэйшы час пачне працэс падачы афіцыйнай заяўкі на ўступленне ў Еўрасаюз, заявіў 24 жніўня прэм'ер-міністр Арменіі Нікол Пашынян, выступаючы ў парламенце.

Улады Арменіі вясной 2025 года прынялі закон аб пачатку працэсу далучэння да Еўрапейскага саюза.