Праўнук Мусаліні дэбютаваў за «Лацыё» ў чэмпіянаце Італіі

• 24.08.2026, 21:03

Футбаліст атрымаў жоўтую картку праз тры хвіліны пасля выхаду на поле.

23-гадовы Рамана Фларыяні Мусаліні дэбютаваў за першую каманду «Лацыё» ў матчы стартовага тура Серіі А супраць «Балонні».

Абаронца выйшаў на поле ўжо на 19-й хвіліне, замяніўшы траўмаванага Адама Марушыча. Усяго праз тры хвіліны пасля з’яўлення на полі Мусаліні атрымаў жоўтую картку.

Для Фларыяні Мусаліні гэты матч стаў асаблівым пасля шматгадовага шляху ў сістэме «Лацыё». Ён далучыўся да акадэміі рымскага клуба ў 13 гадоў і прайшоў праз усе юнацкія каманды.

Пазней абаронца выступаў за «Пескару», «Юве Стабію» і «Крэманэзэ», набіраючыся досведу ў розных дывізіёнах італьянскага футболу.

Фларыяні Мусаліні — праўнук італьянскага дыктатара Бэніта Мусаліні.

У той жа час футбаліст выкарыстоўвае на футболцы толькі імя Romano, без прозвішча Мусаліні, каб пазбегнуць лішняй увагі і палітычных асацыяцый.

На момант публікацыі ідзе другі тайм, лік — 0:1 на карысць рымскага клуба.