Портнікаў распавёў пра «шокатэрапію» для Пуціна, пасля якой той напаў на Украіну

• 25.08.2026, 5:46

Штуршком да прыняцця рашэння аб поўнамаштабным уварванні стала нечаканае «празрэнне».

Пуціну здавалася, што Зяленскі мае прарасейскую пазіцыю, а значыць з ім можна будзе дамовіцца пра капітуляцыю Украіны без вайны, але кіраўніка Крамля чакала вялікае расчараванне, паведаміў Віталь Портнікаў. Калі Пуцін зразумеў, што новая палітычная ўлада суседняй краіны не здасць Украіну, заставалася толькі адно — напасці і захапіць. Пра гэта палітычны аналітык распавёў у эфіры EspresoTV.

Портнікаў адказаў на пытанне, чаму Пуцін рызыкнуў напасці на Украіну:

«Дакладна так, як мы не ўсведамлялі небяспекі з боку Расіі, Расія не ўсведамляла ўзровень супраціву з нашага боку. У 2014 годзе расіянам здавалася, што калі яны акупауюць Крым, тым больш анэксуюць яго, гэта будзе сігналам, пасля якога Украіна больш не будзе спрабаваць выйсці з іх зоны ўплыву, бо яна ўжо пакарана. Хочаце большага? Тады мы ідзём на Данбас».

«Разам з тым заўсёды існавала ідэя, што нават пры такіх умовах заўсёды магчымы палітычны рэванш. Фактычна ў 2010 годзе расіяне ўзялі палітычны рэванш. Яны верылі, што змогуць узяць палітычны рэванш і ў 2019 годзе, таму эскалацыя не спатрэбіцца, дастаткова таго, што адбываецца з Крымам і Данбасам, каб сілы, якія выступаюць за капітуляцыю перад Расіяй, перамаглі на выбарах 2019 года, і гэта аказалася памылкай», — падкрэсліў журналіст.

«Сустрэча з Зяленскім у Парыжы стала для Пуціна поўным расчараваннем, таму што ён верыў, што Зяленскі прыехаў перад ім капітуляваць. Пасля таго як ён не ўбачыў гэтай капітуляцыі, усё гэта было толькі пытаннем часу. Спачатку былі спробы ўнутрана дэстабілізаваць краіну, а потым, калі стала зразумела, што пасткі не спрацоўваюць, а Зяленскі стаў на бок свайго народа, пасля гэтага пачатак вялікай вайны стаў ужо відавочнай справай», — падсумаваў палітычны аналітык.