Прэм'ера Лукашэнкі прынізілі ў Пецярбургу

• 25.08.2026, 9:03

Турчын прыбыў на перамовы з кіраўніком «Газпрама» мокрым.

24 жніўня Аляксандр Турчын здзейсніў працоўны візіт у Санкт-Пецярбург. Судзячы па ўсім, ён мэтава лятаў на размову да старшыні праўлення ПАО «Газпрам» Аляксея Мілера, піша «Салідарнасць».

Прынамсі, пра іншыя пункты праграмы візіту кіраўніка ўрада Беларусі не паведамляецца.

Пра што размаўлялі Турчын і Мілер, бакі ўтойваюць. У афіцыйных паведамленнях урада Беларусі фігуруе цьмяная фармулёўка, што тэмай размовы стала абмеркаванне «перспектыў развіцця супрацоўніцтва».

Пры гэтым паказальна, што не кіраўнік «Газпрама» лётаў у Мінск, а прэм'ер-міністр Беларусі адправіўся ў Санкт-Пецярбург.

У канцы візіту Турчына адбыўся паказальны момант. Калі ён развітваўся з прадстаўнікамі расійскага боку каля трапа самалёта, ішоў дождж, але пра «сухасць» Турчына не паклапаціліся.

Ахоўнік, які стаяў побач, толькі за два метры да трапа зрабіў вялу спробу ўкрыць госця з Беларусі ад дажджу.