Папяровыя дзённікі сыдуць у мінулае?

• 25.08.2026, 15:14

З 1 студзеня школы Беларусі пераходзяць на электронныя.

З 1 студзеня ва ўсіх установах адукацыі Беларусі пачнецца эксплуатацыя электронных дзённікаў.

«Да гэтага інфраструктурна і арганізацыйна мы гатовыя», — заявіў начальнік галоўнага ўпраўлення адукацыі Гродзенскага аблвыканкама Руслан Абрамчык.

Да гэтага часу ў эксперыментальным парадку такія дзённікі будуць выкарыстоўвацца ў 300 беларускіх школах.

— Патрэбна правесці апрабацыю, трэба разумець, што гэта тэхніка. Акрамя яе штодзённага функцыянавання патрэбнае і рэзервовае капіраванне. Неабходна выпрабаваць гэтую сістэму ў рэжыме штодзённай нагрузкі з пэўным запасам трываласці, — патлумачыў ён.

Што будзе з папяровымі дзённікамі?

Пасля таго як сістэма «поўнацэнна запрацуе», міністэрства будзе прымаць рашэнне аб неабходнасці адмовы ад папяровых дзённікаў, дадаў Абрамчык.

На пытанне, ці мае права кіраўніцтва прымушаць настаўніка весці электронны дзённік, ён адказаў так: «На дадзены момант слова «прымушаць» наогул недапушчальнае, як я лічу, у сістэме адукацыі. Кіраўніцтва ўстановы адукацыі прымае рашэнне аб размеркаванні тых ці іншых абавязкаў з аплатай гэтай дзейнасці альбо прэміраваннем або надбаўкай за выкананне дадзенай задачы».

Акрамя таго, адказваючы на пытанне аб магчымасці выкарыстання гаджэтаў на ўроках, ён адзначыў, што гэта ў школах па ўзгадненні з педагогам не забаронена. «Вучні могуць выкарыстоўваць на ўроках планшэты з падручнікамі або смартфоны», — сказаў спецыяліст.