Беларускія вайскоўцы правядуць баявыя стральбы ў Расіі

• 25.08.2026, 16:26

Актыўная фаза сумесных вучэнняў адбудзецца на палігоне Ашулук.

Прыкрыццё ахоўваемых аб’ектаў і войскаў ад удараў сродкаў паветранага нападу, а таксама манеўры падраздзяленняў зенітных ракетных воінскіх часцей будуць адпрацаваныя на першым этапе вучэнняў злучэнняў і воінскіх часцей ВПС і войскаў СПА, паведамляе Міністэрства абароны.

Аператыўна-тактычныя вучэнні праходзяць з 25 жніўня па 10 верасня пад кіраўніцтвам намесніка камандуючага згаданымі войскамі генерал-маёра Міхаіла Матросава, гаворыцца ў рэлізе.

Другі этап вучэнняў адбудзецца на палігоне Ашулук (Астраханская вобласць РФ), дзе пройдзе іх «актыўная фаза з баявой стральбой».

Анансавана адпрацоўка новых спосабаў і прыёмаў прымянення сіл.