Польшча атрымала партыю новых паўднёвакарэйскіх танкаў

• 25.08.2026, 16:59

Баявыя машыны размесцяць паблізу мяжы з РФ.

У аўторак у Польшчу прыбылі 28 танкаў K2 паўднёвакарэйскай вытворчасці, якія будуць разгорнутыя паблізу мяжы з Калінінградскай вобласцю Расіі.

Пра гэта заявіў міністр абароны Польшчы Уладзіслаў Косіняк-Камыш ў X.

Пастаўка партыі танкаў стала вынікам кантракта, падпісанага паміж Польшчай і Паўднёвай Карэяй 1 жніўня 2025 года. Краіны дамовіліся аб пастаўцы 180 ваенных машын, уключаючы 64 танкі, часткова сабраныя з польскіх кампанентаў.

25 жніўня ў Польшчу прыбыла першая партыя замоўленых машын. Міністр абароны апублікаваў фатаграфію танкаў, якія разгружаюць з карабля ў адным з партоў Паморскага ваяводства.

28 танкаў, што прыбылі ў Польшчу, папоўняць 16-ю механізаваную дывізію. Яна дыслакуецца ў паўночна-ўсходняй частцы краіны, то бок паблізу Калінінградскай вобласці РФ.

Косіняк-Камыш таксама паведаміў, што ў наступных партыях з'явяцца танкі ў версіі K2PL, то бок часткова складзеныя з кампанентаў польскай вытворчасці.

«Гэта важны крок, які павялічвае вытворчыя магчымасці нашай прамысловасці і з'яўляецца паслядоўным умацаваннем бяспекі Польшчы», — адзначыў міністр абароны.