Выхавальніца дзіцячага садка ў Мінску збівала хлопчыка на вачах у іншых дзяцей

• 25.08.2026, 17:37

Бацькі знялі пабоі.

Выхавальніца дзіцячага садка збіла дзіця так, што бацькам давялося здымаць пабоі. Пра гэта мінчанка распавяла ў сацсетцы Threads.

Паводле слоў жанчыны, новая выхавальніца збівала хлопчыка на вачах у іншых дзяцей і сілай цягнула яго ў спальню. Яна кажа, што выхавальніцы не спадабалася, што хлопчык вельмі актыўны і рухавы, таму пасля прагулкі яна цягнула яго за капюшон у спальню і біла.

«Мама, я плакаў, і ў мяне дрыжалі рукі», — перадае мінчанка словы дзіцяці. Яна сцвярджае, што яго білі галавой аб падлогу, а на шыі ў яго засталіся крывападцёкі.

На наступны дзень жанчына зняла пабоі ў дзіцяці: «Сёння знялі пабоі, зафіксавана: сінякі на галаве, руцэ, ягадзіцах, па ўсёй акружнасці шыі і драпіна на ілбе. Я не магу перадаць словамі, што я адчуваю кожны раз, калі маё дзіця гэта распавядае: яна зацягнула яго ў спальню, душыла, выкручвала руку, дала нагой па ягадзіцы, кінула на падлогу і некалькі разоў біла яго галавой аб гэтую падлогу. Іншыя дзеці бачылі, як яна цягнула яго ў спальню».

Праз тыдзень хлопчык павінен пайсці ў школу.