Макрон і Драгі з дапамогай віна пераконвалі Шольца падтрымаць Украіну

• 25.08.2026, 19:34

Віно «вельмі дапамагло» змяніць пункт гледжання канцлера Германіі.

У 2022 годзе падчас дыпламатычных перамоваў прэм’ер-міністр Італіі Марыё Драгі і прэзідэнт Францыі Эмануэль Макрон з дапамогай віна пераконвалі федэральнага канцлера Германіі Алафа Шольца падтрымаць Украіну, заявіў экс-пасол Італіі ва Украіне П’ер Франчэска Дзадзо ў інтэрв’ю «Еўрапейскай праўдзе».

На пытанне журналіста, ці сапраўды ў перамовах удзельнічалі «тры лідары і віно», Дзадзо адказаў: «Віно сапраўды было, і яно вельмі дапамагло. Мэта была — пераканаць канцлера Германіі, і гэта пачалося яшчэ ў цягніку па дарозе ў Кіеў».

Паводле слоў Дзадзо, Шольц да апошняга моманту не выказваўся адназначна, абвясціўшы пра падтрымку статусу кандыдата для Украіны толькі на прэс-канферэнцыі.