Чаму ўладальнікі сабак у Беларусі плацяць падатак, а ўладальнікі катоў — не?

• 26.08.2026, 8:45

У Міністэрстве ЖКГ адказалі.

Чаму уладальнікі сабак плацяць падатак, а ўладальнікі катоў — не, растлумачыла БелТА намесніца начальніка ўпраўлення жыллёвай гаспадаркі Міністэрства жыллёва-камунальнай гаспадаркі Беларусі Надзея Севрук.

— Чаму падатак плацяць уладальнікі сабак, а ўладальнікі іншых жывёл-кампанёнаў — не? Перш за ўсё тут ёсць узаемасувязь з добраўпарадкаваннем і прыбіраннем тэрыторыі. Сёння падатак не з'яўляецца мэтавым. Ён проста паступае ў мясцовы бюджэт, які сам вырашае, куды яго размеркаваць, — паведаміла яна.

Па словах намесніцы начальніка ўпраўлення, уладальнікі становяцца больш адказнымі і ўсё часцей рэгіструюць сваіх гадаванцаў.