У Беларусі зноў даражэюць цыгарэты

• 26.08.2026, 11:22

Новыя цэны пачнуць дзейнічаць з 1 верасня

Міністэрства па падатках і зборах (МПЗ) Беларусі апублікавала максімальныя рознічныя цэны на цыгарэты з фільтрам, якія будуць дзейнічаць у краіне з 1 верасня. Згодна з дакументам, падаражанне закране дзве пазіцыі Гродзенскай тытунёвай фабрыкі «Нёман». Яшчэ адна новая марка з'явіцца ў імпарцёра.

Так, пачкі Dove Click Purple Moon і Dove Click Tropical Sun стануць даражэй на 20 капеек. Цяпер за кожную трэба заплаціць 4,60 рубля, а з верасня цана ўзрасце да 4,80 рубля.

Адначасова ў продажы з'явіцца новая імпартная пазіцыя — Chapman Eclipse Noire Platinum. Плануецца, што яе будзе ўвозіць дзяржаўнае прадпрыемства «Беларусьторг». Максімальная рознічная цана складзе 9,90 рубля за пачку.