Тайвань плануе набыць 210 тысяч БПЛА

• 26.08.2026, 13:55

На $6,6 млрд.

Прэзідэнт Тайваня Лай Цындэ выступае за набыццё 210 тысяч ваенных беспілотнікаў на фоне пагрозы з боку Кітая. Пра гэта піша агенцтва Reuters.

Як адзначаецца ў артыкуле, для гэтага ён прапануе прыняць шасцігадовы бюджэт у памеры $6,6 млрд (210 млрд тайваньскіх долараў) на набыццё дронаў. Паводле яго слоў, набыццё БПЛА не цярпіць адкладання, з улікам сітуацыі ва Украіне і на Блізкім Усходзе, дзе баявыя беспілотнікі паказалі сваю важнасць у сучаснай вайне.

«Гэта не толькі пытанне нарошчвання нацыянальнай абароны, але і важны крок для Тайваня, які дэманструе яго рашучасць у пытаннях самаабароны», — сказаў ён.

Паводле слоў Лая Цындэ, ва ўмовах пагрозы з боку Кітая, які лічыць востраў сваёй тэрыторыяй, беспілотнікі надзвычай неабходныя, каб даць адпор у выпадку эскалацыі канфлікту.