Амерыканскі сенатар раскрытыкаваў Уіткофа і Кушнера

• 26.08.2026, 20:59

З-за несур'ёзнага стаўлення да Пуціна.

Сенатар-дэмакрат Рычард Блюменталь, сааўтар законапраекта аб санкцыях супраць Расіі, лічыць, што спецыяльным прадстаўнікам прэзідэнта ЗША Стыву Уіткофу і Джарэду Кушнеру варта «больш сур'ёзна ставіцца» да кіраўніка Крамля Уладзіміра Пуціна.

Пра гэта ён заявіў падчас зносін з журналістамі ў Кіеве, піша карэспандэнт «Еўрапейскай праўды».

Блюменталь лічыць, што на дадзены момант пасрэднікі Трампа «ў дачыненні да Украіны аказаліся даволі неэфектыўнымі».

«Я лічу, што ім трэба больш сур'ёзна ставіцца да Пуціна і дэманстраваць нязменную і паслядоўную падтрымку Украіны», — сказаў ён.

Паводле яго слоў, Уіткоф і Кушнер «занадта часта стваралі ўражанне, нібыта Злучаныя Штаты гатовыя пайсці на саступкі, якія былі б нявыгадныя для Украіны».

«А дэманстраваць слабасць — гэта апошняе, што варта рабіць у дачыненні да агрэсара. Бо, як мы ўжо бачылі, ён проста будзе аказваць яшчэ мацнейшы ціск», — дадаў амерыканскі сенатар.

24 жніўня стала вядома, што доўгачаканы візіт ва Украіну спецпрадстаўнікоў прэзідэнта ЗША Уіткофа і Кушнера адклалі.