Склад Ozon палае ў Башкартастане

• 27.08.2026, 9:59

Узгаранне адбылося пасля паведамленняў пра «прылёты».

У горадзе Благавешчанск Рэспублікі Башкартастан 27 жніўня здарыўся пажар на складзе Ozon. Узгаранне адбылося пасля паведамленняў пра «прылёты», аднак дакладныя прычыны здарэння пакуль афіцыйна не ўстаноўлены.

Пра гэта паведамляе Telegram-канал Exilenova+.

Пажар на складзе Ozon

Пра ўзгаранне паведамілі раніцай 27 жніўня. Паводле звестак, якія з'явіліся ў сеціве, пасля серыі «прылётаў» у Благавешчанску загарэўся склад расійскага маркетплейса Ozon.

У сеціве таксама распаўсюджваюцца фота і відэа з месца здарэння.

Адначасова паступала інфармацыя пра выбухі ў Сцерлітамаку. Мясцовыя жыхары паведамлялі пра гукі выбухаў, але звестак пра трапленні па аб'ектах у горадзе на момант публікацыі не было.