Украінскія дроны «разнеслі» адзін з найбуйнейшых НПЗ Расіі

• 28.08.2026, 9:22

Успыхнуў маштабны пажар.

У расійскім Яраслаўлі 28 жніўня прагрымелі шматлікія выбухі. Паведамляецца пра ўдар па Яраслаўскім НПЗ.

На тэрыторыі прадпрыемства ўспыхнуў магутны пажар. Пра гэта паведамляе тэлеграм-канал Exilenova+.

Пра ўдар па НПЗ у Яраслаўлі ў Exilenova+ паведамілі а 07:21.

«Сілы абароны нанеслі ўдар па Яраслаўскім НПЗ, на тэрыторыі аб’екта ўспыхнуў маштабны пажар», – адзначалася ў паведамленні.

Заяву ў канале пацвердзілі кадрамі з месца падзей, на якіх бачны густы дым.

Да гэтага ў Exilenova+ публікавалі знятыя расіянамі кадры з дронамі ў небе над Яраслаўлем, працай расійскай СПА (якая, відаць, зноў біла не столькі па БПЛА, колькі па дамах) і выбухамі, якія было чуваць у горадзе.

Яраслаўскі нафтаперапрацоўчы завод (ПАО «Славнафта-ЯНОС») уваходзіць у пяцёрку найбуйнейшых НПЗ Расіі па аб'ёмах перапрацоўкі. Яго магутнасць складае каля 15 млн тон нафты ў год.

Прадпрыемства вырабляе аўтамабільныя бензіны, дызельнае паліва, авіяцыйны керасін і змазачныя матэрыялы.

Забяспечвае палівам цэнтральныя рэгіёны Расіі і вайсковую лагістыку акупацыйных сіл.

НПЗ неаднаразова падвяргаўся паспяховым далёкадзейным атакам украінскіх беспілотнікаў (у прыватнасці, у чэрвені і жніўні 2026 года), у выніку чаго на яго тэрыторыі ўзнікалі маштабныя пажары.