Украіна атакавала расійскі стратэгічны ракетаносец Ту-95МС

• 28.08.2026, 12:19

Аперацыю правялі ваяры «Альфы» СБУ.

Украіна ў ноч на 28 жніўня атакавала ракетаносец Ту-95МС у расійскім горадзе Энгельс. Пра гэта паведаміў прэзідэнт Украіны Уладзімір Зяленскі.

«У расійскім Энгельсе ваяры «Альфы» СБУ паразілі ракетаносец Ту-95МС. Менавіта такія самалёты наносяць удары па Украіне», — паведаміў Зяленскі.

Ён таксама пацвердзіў ўдар па нафтаперапрацоўчым заводзе «Славнефть-ЯНОС» у Яраслаўлі.

Генштаб ЗСУ заявіў пра паражэнне на тэрыторыі Расіі і акупаваных тэрыторыях радыёлакацыйнай станцыі «Неба-СВ», апаратнай часткі радара «П-18», пунктаў кіравання БПЛА і навучальнага цэнтра.