Лукашэнка праводзіць сустрэчу з Мішусціным у Маскве

• 28.08.2026, 15:46

Названыя тэмы размовы.

Прэм'ер-міністр Расіі Міхаіл Мішусцін праводзіць сустрэчу з дыктатарам Беларусі Аляксандрам Лукашэнкам у Доме ўрада ў Маскве.

Бакі абмяркуюць удасканаленне гандлёва-эканамічнага і інвестыцыйнага супрацоўніцтва, а таксама рэалізацыю кааперацыйных праектаў. Гэтыя пытанні Лукашэнка падымаў падчас візіту ў Мінск 25 жніўня першага намесніка старшыні ўрада Расіі Дзяніса Мантурава. У прыватнасці, Мантураў і Лукашэнка абмяркоўвалі праект расійска-беларускага самалёта «Асвей».

Лукашэнка прыбыў у Расію напярэдадні. Як паведамляла яго прэс-служба, дыктатар таксама мае намер сустрэцца з кіраўніком РФ Уладзімірам Пуціным. Перамовы адбудуцца 29 жніўня.