«Лукашэнку канчаткова зламалі»

• 28.08.2026, 18:22

Дыктатар гатовы дзейнічаць згодна з планам Пуціна.

Тэлеграм-канал «Беларуская выведка», які спецыялізуецца на інсайдах з асяроддзя Лукашэнкі, піша пра планы Крамля выкарыстаць беларускага дыктатара ў правакацыях супраць Польшчы:

— Нашым польскім суседзям варта падрыхтавацца. Пуцін вырашыўся на гібрыдную эскалацыю і спрабуе пераканаць Лукашэнку ў «нармальнасці» сітуацыі. Крыніцы паведамляюць, што Лукашэнка канчаткова зламаўся і прытрымліваецца плана Крамля на эскалацыю гібрыднай атакі.

Гібрыдная атака, як піша тэлеграм-канал, можа быць здзейсненая дронамі «невядомага паходжання» па маршруце ўздоўж мяжы Украіны і Беларусі наўпрост па тэрыторыі Польшчы:

— Дроны прыляцяць з паветранай прасторы Беларусі, але Мінск будзе ўсё адмаўляць і ківаць на Усход. Лукашэнка заявіць пра сваю непрычаснасць. Перыядычна будуць тэатральна збівацца асобныя паветраныя аб’екты. У выпадку эскалацыі паляціць балістыка.

Толькі жорсткі ўльтыматум у дачыненні да асабіста Лукашэнкі, як піша тэлеграм-канал, прымусіць яго заняць больш адказную пазіцыю і вымусіць не ісці на паводзе ў Крамля.