Новыя падрабязнасці ўнікальнай аперацыі: як быў паражаны расійскі Ту-95МС

• 28.08.2026, 18:28

СБУ атакавала самалёт даўгадастаннымі дронамі MICH 2000.

У распараджэнні войскаў краіны-агрэсара Расіі знаходзіцца прыблізна 37 самалётаў Ту-95 версій МС і МСМ пасля таго, як у ноч на пятніцу, 28 жніўня, у горадзе Энгельс быў паражаны яшчэ адзін такі самалёт), паведамляе Defense Express.

Паводле дадзеных украінскай разведкі, апублікаваных некалькі дзён таму, у баяздольным стане ў расійскіх акупантаў налічвалася 38 бортаў Ту-95. Такім чынам, пасля начнога паражэння бамбардзіроўшчыка ў Энгельсе ў расіян засталося 37 бортаў.

У той жа час, паводле дадзеных Defense Express, у складзе Паветрана-касмічных сіл РФ «на паперы» лічацца 47 самалётаў-ракетаносцаў Ту-95, з якіх як мінімум дзесяць не здольныя выконваць баявыя задачы.

Выданне мяркуе, што начная атака СБУ на Энгельс яшчэ больш абмежавала магчымасці краіны-агрэсара і цалкам магла сарваць планы акупантаў па нанясенні чарговага ўдару вялікай далёкасці па Украіне.

Defense Express піша, што спецпадраздзяленне СБУ «Альфа» магло паразіць самалёт Ту-95МС даўгадастаннымі дронамі MICH 2000, на што ўказваюць апублікаваныя ў сетцы кадры. Гэты дрон, вонкава падобны да «шахеда», здольны пераадольваць адлегласць да 2000 км і несці баегалоўку вагой 60 кг.

У ноч на 28 чэрвеня ў расійскім горадзе Энгельс Саратаўскай вобласці РФ грымелі выбухі, маніторынгавыя паблікі паведамлялі пра магчымую атаку на авіябазу.

Пазней прэзідэнт Уладзімір Зяленскі пацвердзіў, што падраздзяленне «Альфа» СБУ паразіла расійскі Ту-95МС. Спадарожнікавыя здымкі сведчаць пра значныя пашкоджанні самалёта.