Памочнік Пуціна абверг заяву беларускіх уладаў

• 28.08.2026, 21:34

Візіт Лукашэнкі носіць неафіцыйны характар.

Візіт Аляксандра Лукашэнкі ў Маскву, як паведаміў памочнік Пуціна Юрый Ушакоў, носіць неафіцыйны характар.

Паводле яго слоў, перамовы Лукашэнкі і Уладзіміра Пуціна запланаваныя на суботу. Зносіны пройдуць у нефармальнай абстаноўцы.

«У гэтыя дні ў Маскве з неафіцыйным візітам знаходзіцца Лукашэнка. Заўтра плануюцца яго перамовы з Уладзімірам Уладзіміравічам Пуціным. Пасля перамоваў лідары паразмаўляюць у нефармальнай абстаноўцы», — сказаў Ушакоў.

Пры гэтым раней беларускі бок паведаміў, што Лукашэнка прыбыў у Расію з рабочым візітам.

Раней, як пісаў сайт Charter97.org, Лукашэнка паабяцаў разам з Расіяй вырашыць «праблему» ва Украіне.