Зяленскі расказаў, колькі дронаў Украіна павінна запускаць па Расіі

• 28.08.2026, 21:59

Зараз Узброеныя Сілы Украіны запускаюць не менш за 300 БПЛА штодня.

Прэзідэнт Украіны Уладзімір Зяленскі паставіў мэту запускаць па тэрыторыі дзяржавы-агрэсара РФ па тысячы беспілотнікаў на суткі.

Пра гэта Зяленскі сказаў у звароце ў пятніцу, 28 жніўня.

Зараз, паводле яго інфармацыі, Украіна запускае не менш за 300 дронаў.

«Павінна быць больш. Цалкам канкрэтная мэта», — падкрэсліў Зяленскі.

Таксама ён паведаміў, што правёў Стаўку галоўнакамандуючага і што галоўным пытаннем парадку дня была абарона ад расійскіх рэактыўных БПЛА.

«Расіяне выбралі тактыку паветранага тэрору», — адзначыў Зяленскі і згадаў пра пастаянныя паветраныя трывогі ў Кіеве і іншых рэгіёнах Украіны з-за атак расійскіх дронаў.

«Усе нашы сродкі процідзеяння ўжо прымяняюцца, у прыватнасці было паскорана вытворчасць перахопнікаў», — сказаў Уладзімір Зяленскі.

Таксама 28 жніўня прэзідэнт Зяленскі заслухаў даклад начальніка Галоўнага ўпраўлення разведкі Алега Івашчанкі і па яго выніках паведаміў, што адзін з найбуйнейшых расійскіх нафтаперапрацоўчых заводаў у Кстове Ніжагародскай вобласці спыніў працу пасля ўдараў украінскіх дронаў 26 жніўня.