У Гомельскую вобласць заляцеў расійскі рэактыўны дрон

• 29.08.2026, 11:07

РФ выкарыстала беларускую тэрыторыю для атакі на Украіну.

Падчас практычна бесперапыннай дронавай атакі на тэрыторыю Украіны войскі РФ 29 жніўня скарысталі паветраную прастору Беларусі, як паведамляе «Флагшток». А 09:55 рэактыўны БПЛА з Бранскай вобласці РФ рухаўся ў напрамку Добруша.

Ужо праз тры хвіліны дрон выляцеў з Беларусі ў напрамку ўкраінскай Дабранянкі. Такім чынам, беспілотнік праляцеў над Добрушскім і Гомельскім раёнамі.

Гэта пацвярджаецца аператыўнай схемай руху БПЛА, апублікаванай каналам «еРадар».

Заўважым, 22 жніўня ў Беларусі ўпаў дрон-ракета «Бандэроль».