У Мінску на адным з загружаных скрыжаванняў змянілі схему дарожнага руху

• 29.08.2026, 15:58

Ідзе гаворка пра скрыжаванне вуліц Кунцаўшчына, Прытыцкага і Лабанка.

У Мінску з’явілася змяненне ў арганізацыі дарожнага руху на скрыжаванні вуліц Кунцаўшчына, Прытыцкага і Лабанка. Пра гэта паведамляе тэлеграм-канал УДАІ ГУУС Мінгарвыканкама.

«У прыватнасці, новай схемай прадугледжана закрыццё левага павароту з вуліцы Лабанка на вуліцу Прытыцкага пры руху ў напрамку МКАД для ўсіх відаў транспартных сродкаў (за выключэннем грамадскага транспарту)», — паведамляюць у ГУУС.

Для кіроўцаў пералічылі альтэрнатывы гэтаму манеўру:

рух па вуліцы Мазурава ў напрамку МКАД;

разварот на вуліцы Кунцаўшчыне з наступным паваротам направа на вуліцу Прытыцкага;

рух па вуліцах Кунцаўшчыне і Казіміраўскай з наступным паваротам направа на МКАД;

рух па вуліцах Адзінцова і Скрыпнікава з наступным паваротам налева на вуліцу Прытыцкага.

Як паведамляецца, змяненне ўвялі «з улікам планаванага адкрыцця пуцеправода паміж вуліцамі Ратомскай і Калеснікава».