КДБ затрымаў групу беларусаў па падазрэнні ў «зборы закрытай інфармацыі пра абаронныя прадпрыемствы»

• 29.08.2026, 18:55

Дакладная колькасць «фігурантаў» не раскрываецца.

У КДБ заявілі пра «спыненне дзейнасці» групы грамадзян Беларусі, якіх падазраюць у «зборы закрытай інфармацыі пра прадпрыемствы абароннага комплексу ў інтарэсах замежнага куратара».

Паводле дадзеных ведамства, фігуранты нібыта «збіралі звесткі пра вытворчыя магутнасці прадпрыемстваў, перамяшчэнне асобных відаў прадукцыі і пра супрацоўнікаў». Для перадачы атрыманай інфармацыі нібыта «выкарыстоўваліся спецыяльна створаныя каналы сувязі».

У КДБ паведамілі пра затрыманне ўдзельнікаў «групы». Дакладную колькасць «фігурантаў» ведамства не раскрыла.

У затрыманых вылучылі сродкі сувязі, электронныя носьбіты, а таксама «грашовыя сродкі, атрыманыя за выкананне заданняў», паведамілі ў КДБ.

Па факце здарэння ўзбуджана «крымінальная справа».