Беларускія пяціборкі сталі чэмпіёнкамі свету ў камандным заліку

• 30.08.2026, 16:08

Перамогу прынесла сума вынікаў трох спартсменак.

Беларускія спартсменкі заваявалі золата чэмпіянату свету па сучасным пяцібор'і, які праходзіць у Кітаі. У камандным заліку Віялета Гурэева, Марыя Гнедчык і Анастасія Арол у суме набралі 4356 ачкоў, паведамляе onliner.

У індывідуальным турніры Гурэева заняла чацвёртае месца, Гнедчык — шостае, Арол — дзясятае. Гэтыя вынікі дазволілі беларускам апярэдзіць каманду Егіпта, якая набрала 4347 ачкоў. Бронза дасталася спартсменкам з Вялікабрытаніі.

У асабістым заліку чэмпіёнкай свету стала венгерка Бланка Гузі.

Для зборнай Беларусі гэта ўжо трэці медаль турніру. Раней Анастасія Арол і Марыя Гнедчык выйгралі жаночую эстафету, а Яўген Арол і Віялета Гурэева заваявалі срэбра ў змяшанай эстафеце.