Расіянка страціла прытомнасць у чарзе па бензін

• 30.08.2026, 18:16

Паліўны крызіс у РФ набывае ўсё больш абсурдныя формы.

У сеціве з'явіліся кадры, на якіх расіянка здымае сваю сяброўку з разбітым тварам на адной з АЗС у Чалябінску, РФ.

Як паведамляе «Цензор.НЕТ», пацярпелая расіянка адзначыла, што атрымала траўмы не ў выніку бойкі, а пасля таго, як страціла прытомнасць у чарзе па бензін.

«Мяне ніхто не адп#здзіў, я проста стамілася чакаць запраўку і ўпала ў непрытомнасць», — дадае мясцовая жыхарка на відэа.

З-за кіламетровых чараг на АЗС у Расіі мясцовым жыхарам даводзіцца гадзінамі стаяць па паліва, а часам — нават у літаральным сэнсе змагацца за магчымасць яго набыць.