Маск згодны на выкарыстанне Starlink для удараў па РФ

• 31.08.2026, 10:55

Раней прапанову Украіны падтрымаў Трамп.

Заснавальнік SpaceX Ілон Маск заяўляў, што не супраць таго, каб сілы абароны Украіны выкарыстоўвалі сістэму спадарожнікавага інтэрнэту Starlink для нанясення удараў па тэрыторыі Расіі. Пра гэта са спасылкай на ўласныя крыніцы піша Financial Times.

Паводле даных выдання, пра сваю гатоўнасць дапусціць ужыванне Starlink па-за межамі ўкраінскай тэрыторыі для удараў па расійскіх цэлях Маск казаў былому міністру лічбавай трансфармацыі Украіны Міхаілу Фёдараву.

Пры гэтым, як сцвярджаюць суразмоўцы газеты, мільярдэр падкрэсліваў: канчатковае рашэнне па гэтым пытанні мае палітычны характар і павінна прымацца ў Белым доме.

СМІ пісалі, што прэзідэнт Украіны Уладзімір Зяленскі падчас сустрэчы з прэзідэнтам ЗША Дональдам Трампам у Белым доме папрасіў дазвол на выкарыстанне Starlink для далёкабойных удараў дронамі па РФ. Тады Трамп не даў выразнага адказу.

Пазней з'явілася інфармацыя, што Трамп падтрымаў ідэю выкарыстання Starlink для удараў па РФ.