У Польшчы гарэла прадпрыемства, якое займаецца БПЛА

• 31.08.2026, 12:49

Не выключаецца версія дыверсіі.

Уначы ў польскім горадзе Скаржыска-Каменная адбыўся пажар на прадпрыемстве кампаніі WB Electronics, якая спецыялізуецца на выпуску кампазітных канструкцый і сістэм кіравання для беспілотных лятальных апаратаў, піша onet.pl.

Сігнал пажарнай трывогі паступіў неўзабаве пасля поўначы. Узгаранне ўдалося лакалізаваць і патушыць, аднак яго прычына пакуль не ўстаноўлена — сярод іншых версій разглядаецца магчымы падпал. Ачаг знаходзіўся ў непасрэднай блізкасці ад вытворчага цэха і склада з электроннымі кампанентамі.

На месцы здарэння працуе паліцыя, да расследавання таксама прыцягнутыя спецыялісты па пажарнай бяспецы — тэрыторыя прадпрыемства цяпер абследуецца.

Улічваючы профіль завода, да расследавання інцыдэнту далучыліся і супрацоўнікі Агенцтва ўнутранай бяспекі Польшчы (ABW).

«Вядома, што падобныя інцыдэнты выклікаюць цікавасць у спецслужбаў. Супрацоўнікі пастаянна збіраюць інфармацыю па гэтай тэме, аналізуюць яе і правяраюць на прадмет магчымай дыверсіі», — заявіў прэс-сакратар міністра-каардынара спецслужбаў Яцэк Добжыньскі.

У мацярынскай кампаніі WB Group, у сваю чаргу, запэўнілі, што маштаб пажару быў нязначны, і прадпрыемства адновіць працу адразу пасля завяршэння ўсіх неабходных працэдур.