Беларусы змогуць падаваць дакументы на шведскія візы праз пасольства Венгрыі ў Мінску

• 31.08.2026, 19:04

Ідзе гаворка пра візы катэгорыі C.

Швецыя і Венгрыя дамовіліся аб супрацоўніцтве ў візавых пытаннях. Дзякуючы гэтаму грамадзяне Беларусі цяпер могуць падаваць заявы на кароткатэрміновыя шэнгенскія візы ў Швецыю праз пасольства Венгрыі ў Мінску.

Ідзе гаворка пра візы катэгорыі C, якія дазваляюць знаходзіцца ў Шэнгенскай прасторы да 90 дзён цягам любога 180-дзённага перыяду.

Атрымаць шведскую візу катэгорыі D у Мінску па-ранейшаму нельга — такія заявы прымае пасольства Швецыі ў Маскве. Там жа і надалей будуць праводзіць сумоўі, збіраць біяметрычныя даныя і ажыццяўляць пашпартны кантроль. Гэтыя працэдуры даступныя па панядзелках і аўторках.