«Беларусы, я ў нас не сумнявалася»

• 7.08.2026, 16:54

Мінчанка дапамагла незнаёмаму чалавеку.

Кранальнай гісторыяй падзяліўся ў Threads 50-гадовы жыхар сталіцы vitalik_stephanovich.

«Я — інвалід трэцяй групы, — піша ён. — Атрымліваю пенсію 191 рубель (50% ад сацыяльнай забірае ОПІ) і зарплату 580, дрэнна хаджу, з кійком.

Сёння адна дзяўчына спытала мой адрас, я думаў, што яна хоча прыслаць корм для маіх катоў, а яна заказала мне е-дастаўку на 73 рублі. Я і мая маці-пенсіянерка сядзім у шоку, мы такога не чакалі — кілаграм пяльменяў, згушчонка, варэнне і ўсё тое, што я сабе дазволіць не магу, вялікі дзякуй».

Пост сабраў тысячы лайкаў і сотні каментарыяў. Сайт Charter97.org прыводзіць найбольш папулярныя з іх:

— Якія ж у нас цудоўныя людзі! Рэспект і павага ўсім, хто камусьці можа дапамагаць.

— Абажаю беларусаў!

— Хай у вас і вашых любімцаў усё будзе добра і хай вас заўсёды заўсёды акаляюць такія цудоўныя людзі!

— Беларусы, я ў нас не сумнявалася.

— Дзеля гэтага варта заходзіць у сацсеткі, дзеля вашай чалавечнасці. Дзякуй усім і здароўя аўтару поста.

— Вы, беларусы, нейкія асаблівыя, такія светлыя.

— Малайчына дзяўчына, рука таго, хто дае, не збяднее.