«Мадзяр»: У Херсонскай вобласці паражана база ФСБ «Беня House»

• 7.08.2026, 19:17

Знішчаны цэлы шэраг мэт.

Сілы беспілотных сістэм Узброеных Сіл Украіны паспяхова нанеслі ўдары па шэрагу расійскіх мэт, сярод якіх — база ФСБ РФ «Беня House» у Херсонскай вобласці, 10 энергавузлоў і іншыя аб’екты.

Пра гэта паведаміў камандуючы Сіламі беспілотных сістэм Роберт («Мадзяр») Броўдзі. «База ФСБ «Беня House» у Херсонскай вобласці, «Крымскі рубільнік off»: +10 энергавузлоў і іншыя аб’екты — на працягу 48 гадзін 6–7 жніўня былі знішчаны «Птушкамі» СБС», — заявіў «Мадзяр».

Камандуючы ўдакладніў, што ў аперацыйнай глыбіні праціўніка былі знішчаны 102 варожыя мэты: 6 судоў ценявога флоту ў Чорным і Азоўскім морах (2 танкеры і 4 сухагрузы), 8 ТПД праціўніка, 2 склады паліўна-змазачных матэрыялаў і боепрыпасаў, 2 комплексы РЛС, ЗРК «Бук», лакаматывы, палівазапраўшчыкі, мабільная агнявая група (МОГ), 3 рэтранслятары кіравання «Шахед/Герань», 5 камунікацыйных вежаў.

Таксама паражаны рамонтная база і сховішчы ўзбраення і ваеннай тэхнікі ў населеным пункце Ваўчанскае Запарожскай вобласці, склад МТЗ і рамонтная база ваеннай тэхнікі ў населеным пункце Новае Жыццё (Крым), рамонтна-аднаўленчая база ў Абрікосавым (Крым) і іншыя аб’екты.

Паводле слоў «Мадзяра», былі знішчаны 10 энергавузлоў праціўніка, а ўсяго ў ліпені–жніўні на часова акупаванай тэрыторыі Украіны падчас аперацыі «Крым.рубільнік off» былі выведзены з ладу 211 энергавузлоў.