Салаўёў зладзіў істэрыку з-за навін пра мабілізацыю ў Расіі

• 7.08.2026, 21:25

Прапагандыст узяўся абражаць расіян.

Адзін з самых вядомых крэмлёўскіх прапагандыстаў Уладзімір Салаўёў, абвяргаючы чуткі пра новую хвалю мабілізацыі, фактычна абразіў сваіх суайчыннікаў. Скандальная заява прагучала ў эфіры яго рэсурсу «Салаўёў LIVE».

Салаўёў надзвычай рэзка адмаўляе інфармацыю пра тое, што ўжо гэтай восенню ў Расіі могуць абвясціць новую мабілізацыю, заяўляючы, што расіяне, маўляў, занадта недалёкія, каб такая мера ўвогуле магла спрацаваць.

«Чуткі пра тое, што мабілізацыя — гэта хлусня ворага, якая актыўна падхоплена ў нашых сацыяльных сетках і распаўсюджваецца. Пры гэтым ніхто не ўключае галаву нават на секунду. А што азначае мабілізацыя? Як вы сабе гэта ўяўляеце? Вось цяпер выходзяць і кажуць, што вайна. Зразумела, што калі праводзіць усеагульную мабілізацыю, гэта павінна быць вайна. Вось мы абвяшчаем вайну — і ўсе ідуць на фронт. Які? Вось усе сабраліся і пайшлі на фронт. З улікам умоў сучаснай вайны. Гэта не Вялікая Айчынная паводле таго, як яна вядзецца, якія ўменні, веды, навыкі, ўзбраенне павінны быць у байца. Гэта ўжо не той народ! (…) Вырасла пакаленне, якое не вельмі добра ўвогуле разумее, чаго ад яго хочуць, і лічыць, што ў яго задача — калупацца пальцам то ў зубах, то ў азадку рэгулярна, пры гэтым не мяняючы пальца. Гэта зусім іншыя людзі! І вы хочаце, каб у гэта грамадства, у якім такая колькасць дэбілаў, прыйшлі і сказалі: "Грамадзяне, айчына ў небяспецы"? Ды свядомыя хлопцы даўно ўжо там», — заявіў прапагандыст.

Раней сайт Charter97.org пісаў, што РФ рыхтуе мабілізацыю паўмільёна чалавек.