Новыя фота Пуціна падгрэлі чуткі пра яго праблемы са здароўем

• 7.08.2026, 22:56

Дыктатар выглядае знясіленым.

Фатаграфіі 73-гадовага дыктатара Уладзіміра Пуціна — бледнага і знясіленага — зноў справакавалі пытанні пра стан яго здароўя. Крамлёўская вярхушка не ўпершыню сутыкаецца з неабходнасцю задумацца пра тое, што адбудзецца пасля смерці расійскага лідара, — піша выданне Daily Star.

У артыкуле для часопіса па знешняй палітыцы Foreign Affairs доктар Джуліян Г. Валлер, навуковы супрацоўнік Цэнтра ваенна-марскога аналізу, папярэджвае: Расію пераследуе нявызначанасць, паколькі ў рэжыму няма выразнага плану на будучыню.

Паводле ацэнкі эксперта, Пуцін выбудаваў сістэму, якая прынцыпова адмаўляецца рыхтавацца да немінучага, — у выніку краіна аказваецца цалкам не гатовая да таго, што адбудзецца, калі яго не стане.