Іран вылучыў новыя патрабаванні для адкрыцця Армузскага праліву

• 9.08.2026, 8:32

Спіс перавярнуў чаканні.

Іран заявіў, што пагадненне з Аманам аб кантролі над Армузскім пралівам ужо блізкае да завяршэння. Аднак у Тэгеране дадалі, што адной здзелкі будзе недастаткова для адкрыцця праліву, паколькі ЗША павінны будуць выканаць шэраг патрабаванняў.

Пра гэта паведамляюць Reuters і The New York Times.

У суботу сакратар Вышэйшага савета нацыянальнай бяспекі Ірана Махамад Багер Зольгадр заявіў, што ЗША павінны зняць ваенна-марскую блакаду і вывесці войскі з Ірана, выплаціць ваенныя рэпарацыі, размарозіць іранскія актывы, а таксама спыніць атакі на саюзнікаў Ірана ў рэгіёне і пагрозы ў адрас Тэгерана.

NYT піша, што спіс патрабаванняў Зольгадара перавярнуў чаканні, што здзелка з Аманам неўзабаве дазволіць аднавіць гандаль праз Армузскі праліў і знізіць сусветныя цэны на энерганосьбіты.

Верагодна, гэта ўзмоцніць ціск на прэзідэнта ЗША Дональда Трампа, прымусіўшы яго разгледзець умовы Ірана, калі ён хоча знізіць спажывецкія цэны для амерыканцаў, што важна для рэспубліканцаў напярэдадні прамежкавых выбараў у лістападзе.

Акрамя таго, перад гэтым прэс-сакратар КСІР Хасейн Мохебі ужо заяўляў, што адкрыццё Армузскага праліву «не залежыць ад ірана-аманскіх перамоў».