Узброеныя сілы Украіны узялі ў палон Махамеда Салаха

• 9.08.2026, 10:10

З'явілася інтэрв'ю з цёзкам зорнага футбаліста.

Украінскія вайскоўцы узялі ў палон егіпцяніна, які аказаўся цёзкам зорнага нападніка зборнай Егіпта і былога гульца «Ліверпуля» Махамеда Салаха. Пра гэта стала вядома з інтэрв'ю The Kyiv Independent.

Палонны акупант расказаў, што жыў у Екацярынбургу і вучыўся на праграміста ў Уральскім федэральным універсітэце.

Па яго словах, пасля пераезду ён стварыў сям'ю, выхоўвае дачку, а ў шэрагі расійскай арміі вырашыў уступіць дзеля магчымасці ў спрошчаным парадку атрымаць грамадзянства РФ.

«Я пачуў, што ў мяне можа з'явіцца магчымасць атрымаць расійскі пашпарт і служыць у арміі. Я разумеў, што для ветэранаў прадугледжана шмат льгот. Так мы атрымліваем кватэру, пашпарт і доступ да дзяржаўных паслуг. Таму мне здавалася, што гэта добры шанец стаць паўнавартаснай часткай грамадства», – падзяліўся ён.